"Diandln, es miasst's enk heit Nåcht va'keaht ins Bett
eini leg’n - dånn tram's vom zukünftigen Ehe.Månn.",
håmb's bei da Weihnachts.FEIER za ins LEHR.ling g'sågt.
Frisch g'fångte 17 håb i des natürlich ausprobiert.
Sogår a gånze Woch' lång - leider vergebens.
(Und ob's besser funktioniert hätt' ohne G'wånd, woas i leider a ned.)
A poår Jåhr spader...
liegt wieder wer mit'n Kopf in Richtung Fuaßende
& um 4re in da Friah draht se da Haus.TÜR.Schlüssel im Schloss.
Mei Zukünftiger kimmt von da Weihnåchts.FEIER hoam...
Stocknüchtern - gånz vorbildlich - håt a seine Kollegen
über'n 'Gschütt umma hoam g'fiaht & is dånn zu mia aussi kemma.
In seiner Hånd tråg' a ah richtig lässige Reisetasche -
befüllt mit Polo.Shirt's, Kalender & ana Flåsch'n SEKT.
Im Nu bin i putzmunter & im Bauch drin... då riaht se a glei' wer.
Am Vormittåg fångt da Bauch sche stad a bissei mehr zan ziach'n ån -
...so, wia 'ra eh schon seit a poah Monat gelegentlich übt.
Während mei' Hebamme ihr letzte Wöchnerin hoam schickt
& se schon g'freit, dass heuer endlich amoi
koa frischgebackene Mama zum Betreuen håt über de FEIER.Tåg...
- håt insa kloans Wunder sein eigenen PLAN.
Die Polo.SHIRTs werd'n aus'påckt, da Sekt deaf bleiben.
Und i bügelt ma nu an PYJAMA.
"Ned amoi dei TASCH håst zam'g'richt... - wås du oiwei
für a RUHE håst.", belehrt mi mei Mama mit an Kopfschütteln.
"Es kunnt's enk goa ned via'stöhn, wia weh des tuat.
Då moanst, du hoit's as richtig nimma aus...", såg's nu drauf
& stöht ma a guade Rinds.SUPPn her, bevor ma ins auf'n Weg måch'n.
Um 4re in da Friah erblickt insa Älteste das LICHT der Welt.
Ohne Årzt, ohne Verletzungen - aus eigener Kråft.
Da skurrilste Moment im WOCHEN.Bett wår,
wia da Besuch a riesige SPINN.Webe im Eck genau über mein' Bett entdeckt håt.
"Für'n Weihnåchts.PUTZ håst da Eva a neama Zeit låss'n...",
moant drauf mei Schwåger & zåhnt a wenk.
Vorsorglich håt mei Månn de Deko über'm Wöchnerinnenbett dånn trotzdem entfernt.
In da "Heiligen Nåcht" samma für a poah Stund' haom -
& insa Butzei håmb'm ma dawei bei meina Mama
unter'n Christbam' in d'Wiag'n eini bett'.
Gånz spartanisch, zwoa Tåg spader - ausgerüstet mit ana Milchpumpe - håb' i am Diwan Plåtz g'numma. Da Eva is' via'kemma...
"Barbara, um hålba Neun'e tuast ma bitt'sche oa'moi åb'pump'm."
Mei Hebamme håt mi unterstützt, dass i mit meine vier Kinder
sehr lange, erfolgreiche STILL.Beziehungen erleben håb deaf'n.
Die Eva wår oafåch & is nu immer a richtig guade SEELE - a Mensch, wia's as ned oft gibt.
Ob da JOSEF sei Maria mit'samm'tn ESEL ebba ah a viert‘l Stund' vor'm Ståll in da Kälte stehen håt låss'n,
damit a husig ålle Spinnweben von de Tramm' åwa fischt?
Zeit für Gespräche, der Blick für's Wesentliche... - des is vü wichtiger ois teure Geschenke & perfekte Fassade.
Herzlichst - eure Barbara
...mittlerweile is' unsere Tochter schon fåst 16 - unser Rezept für de "Heilige Nåcht" håt's
für'n Kochunterricht an der LFS Bruck verschriftlicht... - vü Spaß beim Nachkochen.
Rauh'nudln mit siaß'n Schmalz
& Sauerkraut
85 g brauner Kristallzucker
13 g frische Germ
260 ml lauwarme Milch
125 g weiche Butter
3 Msp. Kardamom
1 Msp. echte Vanille
10 g Salz
3 Dotter
675 g glattes Dinkelmehl Type 700
etwas abgeriebene Schale einer Bio-Zitrone
etwas Butter & Honig für die Auflaufform
...den Teig 2 Std. gehen lassen - im Backrohr bei
180°C Ober-/Unterhitze für 30 Minuten goldbraun backen...
...für's Honigschmalz
in 250 g zerlassener Butter ca. 3-4 EL braunen Kristallzucker lösen
125 ml heißes Wasser zugießen & unter Rühren eindicken
abschmecken mit 2 EL Honig
...als Beilage: Sauerkraut mit Gerste
1 würfelig geschnittene Zwiebel
2 EL Butter zum Andünsten
500 g frisches Sauerkraut
1 roher Erdäpfel, grob gerieben
eine Hand voll Gerste
2 Lorbeerblätter
1 TL Wacholderbeeren
150 ml Rinderknochenbrühe
...das Kraut ca. 40 Minuten dünsten - gelegentlich umrühren...
Guten Appetit & schene Weihnåchten...